عيني على صنعاء وقلبي على عدن
السياسية - Wednesday 17 March 2021 الساعة 08:39 pm
نيوزيمن، كتب/لؤي اسكندر:
للشفافية والتوضيح بدون مزايدة ورتوش حرام ما قد ذاقت عيني النوم ما يزعل الواحد إلا من صاحبه.
الحوثي يسلط أقلامه ممكن قده عدو واضح ويستثمر المواقف وهذا شأن لا يخصني، لأن عدن وأهلها يشتوا خدمات ورواتب فلا يهمني نباح كلابه لخلط الأوراق.
الإخوان والإصلاح يسلطوا أقلامهم أوكي، معروف توجههم يشتوا تدخل تركي قطري ويعودوا فاعلين على الأرض بعدن.
لكن تخرج لك بعض اقلام مؤتمرية تزايد على المظاهرة وتنتقد المواطنين في عدن وتتهمهم بأنهم أدوات تخريبية والطريقة غلط، المشكلة أغلبهم عايش يا بالخارج أو معه مخصص دسم.. يعني مرتاح تحت المكيف وهات يا اتهامات، والمفروض أهل عدن يموتوا بصمت.. اشتي اعررررف ليش هل كان مطلوب رأيك بالموضوع عشان تحط نفسك بموقف بايخ.
أنت بنظرهم صفر على الشمال ولو سنحت الفرصة لهم بأي لحظة لمرمطوا بك الأرض.
هل عدن وأهلها من أسقطوا الدولة والجمهورية؟
هل عدن وأهلها من طردوكم ونكلوا بكم من بيوتكم؟
هل عدن وأهلها من أغلقوا مجلس النواب؟
هل عدن وأهلها من استهدف صالح بجامع النهدين في 2011؟
هل عدن وأهلها من قتل صالح في ديسمبر..؟
هل عدن وأهلها من سلموا الجوف ونهم وووو حتى رجع الحوثي يحاصر مارب..؟
هل عدن وأهلها كتبتكم التزامات عند دخولها في 2017..؟
يا مؤتمري صالح واجه الحوثي بصنعاء ثلاثة أيام وهم خلوا الجبهات أمانة عند الإصلاحيين في نهم والجوف وكان ما يحدث في صنعاء لا يعنيهم عشان الحوثي يتخلص من رئيس حزبك وامينه العام..
هل تعلم يا مؤتمري أن لولا الله والجنوبيين وعدن وأبناءها
لوما وقفوا مع طارق وأصحابه رغم الألم والوجع السابق إلا أنهم كانوا رجال في خلافهم ولو حصلت مشاحنات سابقة تجاوزها الجميع من أجل هناك عدو واحد وهو الحوثي وإلى الآن يقاتلوا جنبا إلى جنب بالساحل.. هل غدروا بكم زي ما فعلوا الأطراف الأخرى بغرنا رقاع..
والله ما كانت تقوم لنا قائمة كمؤتمريين، كنتوا بتكونوا مماسح للعليمي والإصلاح ومشاريعهم أو نجلس ع ب ي د للحوثي وامامته مقهورين مكسورين.
إلى بعض من ينتحلوا صفات نخب المؤتمر أنتم اليوم تزايدوا على الناس بجبهة طارق وهو بريئ منكم ولا له صلة بكم أنتم المفروض من ترتبطون به بالميدان وتفتخرون به مش العكس.. هذا إذا أردتم تكونوا أحرار..
لذلك جبهته بعيدة عن الأحزاب السياسية وما طالبت أكثر من مرة أن يفرخ طارق صالح فصيلا سياسيا يمثله ويمثل أصحابه الموجودين على الأرض إللى بيقاتلوا الحوثي وراقدين بالمتارس مش من هم تحت المكيفات وبالكافيهات عشان لحد يحسب أي كلام عليه ولا يزايدوا الآخرين باسمه..
ليييييش مصمم المؤتمري أن يكون قفاز أو مطية يا للحوثي أو الإصلاح فعلا ما كان للمؤتمر قيمة الا بصالح والزوكا اما اللي في الساحة شوية ارجوزات كراتين الا قلة قليلة غيبوهم أصحاب المصالح وتجار الشنطة الذين يحملون صفات ومسميات تنظيمية..
ممكن مؤتمري يجاوبنا ويجيب لي موقفا واحدا للاخوان والإصلاح إيجابيا معهم كمكون سياسي أو حتى دعموا طارق وأصحابه عادهم لا أمس وهم يتوعدوا المخا..
انا مش فارض عليك عداوتهم لكن لا تكون منكر جميل وتعادي من وقف معك وإلى جانبك من اجل تتقرب من س أو ص.
التاريخ لن يرحم احدا.
