الرئيس المصري الراحل "أنور السادات" سأل سيد مرعى وزير الزراعة في مصر، إيه أخبار مزرعة تسمين العجول بالفيوم اللى وعدتني فيها يا سيد؟
رد عليه سيد مرعي: جاهزة على الافتتاح يا ريس..
رد عليه السادات: طيب بكره 10 الصبح هافتتحها..
طبعاً ما كانش فيه أرض أصلاً علشان تبقى فيه مزرعة، المهم ذهب مرعي إلى الفيوم على الفور، وجهزها وذهب السادات اليوم التالي فوجدها حاجة تفرح وعامرة بكل أنواع العجول وانتهت الزيارة، وأخذ السادات سيد مرعي على جنب وسأله: استأجرت الجاموسة بكام يا سيد؟؟
فوجئ سيد بالسؤال ورد: بعشرة جنيه يا سيادة الريس..
فرد السادات عليه: مش كتير ب10 على 12 ساعة تأجير؟!!
صعِق سيد مرعي وسأله: مين يا سيادة الريس اللى بلغك عن إيجار الجواميس؟؟
قال السادات: يا سيد أنا فلاح أصلي، أنا دخلت على الجواميس، والزريبة لقيتها هايجه ومش على بعضها والحالة دي بتحصل لما الجاموس بيكون مش فى زريبته..!!
الخلاصة:
إذا دخلت على مسؤول ولقيته هايج ويشطح وينطح إعرف أن هذا المسؤول مش في زريبته وجايبينه يعدي المرحلة ويستفيد شوية.
ولذلك كثرت في الشرعية العجول، وهي هائجة لأنها ببساطة ليست في زرائبها.
*من صفحة الكاتب على (الفيس بوك)
